Sut i wylio S4C

Sut i wylio S4C

Canllaw i Newid Sylwebaeth Saesneg ar S4C pan fydd Hawliau yn Caniatáu

Sylwebaeth Saesneg ar S4C Clic a BBC iPlayer

Ar gyfer rhaglenni lle mae sylwebaeth Saesneg ar gael, gellir  gwylio  rhain ar wasanaeth S4C Clic neu (fel arfer) BBCiPlayer.

  • S4C Clic

    S4C Clic

    Ar blatfform S4C Clic, pan fydd opsiwn o sylwebaeth Saesneg ar gael mae modd ei ddewis wrth agor yr eicon isod a’i ddethol o’r ddewislen.

    https://www.s4c.cymru/clic/

    • BBCiPlayer

      Ar dudalen S4C ar BBCiPlayer, pan fydd opsiwn o sylwebaeth Saesneg ar gael bydd yn ymddangos o dan ‘Featured on S4C’ gyda ‘English Commentary’ wedi nodi yn y teitl.

      https://www.bbc.co.uk/tv/s4c

      Nodir bod y gwasanaeth yma ddim ond ar gael ar gyfer darllediad byw nid ar alw

      Sylwebaeth Saesneg ar gael ar lwyfannau ffrydio eraill

      • Sky Q

        Y camau ar gyfer newid y gosodiadau ar system Sky Q yw:

        1. Pwyswch y botwm cartref.

        2. Ewch i lawr i'ch gosodiadau a phwyswch 'Dewis / Select'.

        3. Ewch i lawr i'ch gosodiadau setio fyny a phwyswch 'Dewis / Select'.

        4. Ewch i lawr i'ch dewisiadau personol a phwyswch 'Dewis / Select'.

        5. Ewch i'ch dewisiadau iaith sain a newidiwch y gosodiad o'r Saesneg i'r Gymraeg.

        6. Bydd angen i chi sicrhau bod Sain Ddisgrifio yn cael ei ddiffodd, ac yna dylech gael sylwebaeth Saesneg yn awtomatig heb fod angen pwyso dim byd arall. Ni fydd hyn yn effeithio ar unrhyw un o'ch sianeli eraill.

        • Virgin Media

          Er mwyn newid i sylwebaeth Saesneg ar Virgin TIVO:

          1. Gwasgwch y botwm wybodaeth.

          2. Sgroliwch i lawr i'ch gosodiadau Sain.

          3. Pwyswch 'Iawn / OK'.

          4. Newidiwch yr iaith i'r Gymraeg (Oherwydd bod y gosodiad sain wedi'i osod i'r Saesneg, bydd ei newid i'r Gymraeg yn actifadu'r Saesneg i chi).

          5. Pwyswch 'Iawn / OK'.

          6. Gadael y Ddewislen.

          • Sky Glass

            Y camau ar gyfer newid y gosodiadau ar system Sky Glass yw:

            1. Pwyswch y botwm Cartref.

            2. Sgroliwch i'ch gosodiadau a phwyswch 'Dewis / Select'.

            3. Sgroliwch i'ch gosodiadau Llun a Sain a phwyswch 'Dewis / Select'.

            4. Sgroliwch i Sain a phwyswch 'Dewis / Select'.

            5. Sgroliwch i Iaith Sain a newidiwch y gosodiad o'r Saesneg i'r Gymraeg.

            • Freesat

              Gyda Freesat mae pob system yn amrywio yn ôl beth yn union a ddangosir yn y system ddewislen. Canllaw cyffredinol yw:

              1. Pwyswch y botwm Dewislen, Cartref neu Setio Fyny (yn dibynnu ar ba un sydd ar gael ar eich system eich hun).

              2. Yna darganfyddwch naill ai Gosodiadau, Setio Fyny neu Iaith a phwyswch 'Iawn / OK' neu 'Dewis / Select'.

              3. Dod o hyd i Iaith Sain, Hoff Sain neu Iaith a phwyswch 'Iawn / OK' neu 'Dewis / Select'.

              4. Newidiwch y gosodiad i'r Gymraeg. (Bydd ei newid i'r Gymraeg yn actifadu'r Saesneg i chi).

              • Freeview

                Ar systemau Freeview dylai fod mor hawdd â phwyso'r Botwm Coch ar eich teclyn teledu a dewis Saesneg.

                • Sky+

                  Ar systemau Sky+ dylai fod mor hawdd â phwyso'r Botwm Coch ar eich teclyn teledu a dewis Saesneg.

                  Os ydych yn cael unrhyw anawsterau neu broblemau wrth actifadu'r sylwebaeth Saesneg ar S4C ar unrhyw blatfform gallwch gysylltu â Gwifren Gwylwyr S4C.