Mae mwy o raglenni S4C nag erioed o'r blaen ar gael i wylwyr ar draws y byd. Mae rhestr lawn o'r rhaglenni sydd ar gael nawr ar waelod y dudalen hon.
Os ydych chi'n dymuno derbyn gwybodaeth am gynnwys rhyngwladol S4C, gallwch danysgrifio i dderbyn e-bost achlysurol.
Os ydych chi'n hapus i dderbyn gwybodaeth gan S4C am ein cynnwys rhyngwladol, neu i ni ofyn eich barn am ein gwasanaethau, darparwch eich e-bost yn y blwch isod.
Rydym yn cydnabod bod angen cadw eich manylion personol yn ddiogel. Ni fyddwn yn anfon eich manylion at unrhyw un heb eich caniatâd ac mi fyddwn yn esbonio sut i ddad-danysgrifio bob tro y byddwn ni'n cysylltu â chi.
Blwyddyn Newydd ac mae antur newydd ar y gweill i Enid a Lucy wrth i hanes y ddwy ffrind annisgwyl barhau yn yr ail gyfres o'r ddrama gomedi dywyll. Mae Eiry Thomas (The Pact, Un Bore Mercher) yn ôl fel Enid - yr athrawes biano barchus a Mabli Jên Eustace (Gwaith Cartref, Byw Celwydd) yn ôl fel ei chyn-gymydog, Lucy.
Mae¿r gyflwynwraig Lara Catrin yn Mhrifysgol Caerdydd ar gyfer y bennod olaf yn y gyfres. Mae wedi bachu dau ffrind a dau fyfyriwr ffasiwn a¿u herio i brynu a gwerthu dillad ail law. Wrth i James a Menna fynd ati gyda pheiriant gwnio yr un i roi eu stamp eu hunain ar y dillad, mae¿r ddau yn gwybod mai¿r un sy¿n gwerthu fwyaf fydd yn ennill nid yn unig eu harian eu hunain ond arian eu gwrthwynebydd hefyd.
I'r rhai sy'n cerdded trwy ddrws Gwesty Aduniad, mae un peth yn sicr: mae bywyd ar fin newid am byth. Mae pob unigolyn sy'n dod i'r gwesty hwn am wireddu un amcan penodol: i gyfarfod rhywun o'u gorffennol. Daw teulu y canwr gwlad Dave Curtis ynghyd i ddathlu ei fywyd, tra bo Glenda am gyfarfod person arbennig helpodd hi ar ei thaith i golli pwysau.
Gwion Ap Iago; un hanner o Roughion, DJ a phennaeth label cerddoriaeth electronig Afanc sydd tu ôl i'r decs am y bennod hon o Curadur. Mae Gwion yn ein gwahodd i noson o berfformiadau byw arbennig iawn o gig 'Hanes Cerddoriaeth Ddawns Cymru' gyda Sachasom, DJ Esther, Llwybr Llaethog, Roughion (gyda Mali Haf) a System Sain Ty Gwydr.
Cyfres newydd am yr efeilliaid direidus a'u pwerau hudol. Y peth dwytha¿ ma¿r teulu¿n disgwyl wrth ymweld â Llyn Tegid ydi gweld criw newyddion yno¿n ffilmio, gyda rhywun yn honni eu bod wedi gweld anghenfil! Mae Loli¿n benderfynol o ddod o hyd iddo! Rhaid rhewi Mam ac aros yn amyneddgar i weld os gwnaiff y bwystfil â dannedd cyllyll ymddangos!
Cyn asgellwyr Cymru, Ieuan Evans a Shane Williams, sy'n mynd ar drip yn ol i brif ddinasoedd pencampwriaeth y Chwe Gwlad i hel atgofion a chael blas o'r dinasoedd o safbwynt y cefnogwyr. Yn y bennod hon, mae'r ddau yn mynd i Gaerdydd i hel atgofion a chyfarfod ag arwr i'r ddau, cyn teithio i Rufain i fentro'r strydoedd cul mewn car bach coch a gweld adfail trist.
Mae Fferm Ffactor yma unwaith eto ac mae 'na dmau o selebs yn barod i gystadlu mewn tasgau amaethyddol. Yn y rhaglen gyntaf yma bydd dau dîm yn mynd ben-ben â'i gilydd. Capten y tîm cyntaf yw'r cyflwynydd Owain Williams a bydd yntau yn cesio cadw trefn ar ei gyd gyflwynydd Mari Lovgreen a chyn brif weinidog Cymru Carwyn Jones. Yn ymuno a'r cerddor Brychan Llyr yn yr ail dîm bydd y cyflwynydd Elinor Jones a'r canwr Lloyd Macey. Bydd enillwyr y rhaglen yma yn mynd ymlaen i'r rownd derfynol i frwyd
Fel un o brif gyflwynwyr newyddion y BBC, mae'r darlledwr Huw Edwards yn wyneb cyfarwydd i filiynau o bobol ac yn bâr saff o ddwylo yn ystod rhai o ddigwyddiadau hanesyddol mwya'r byd. Mewn rhaglen arbennig i S4C, dyma gyfle i ddod i adnabod y dyn y tu ôl i'r wyneb cyhoeddus wrth iddo ddathlu ei benblwydd yn 60 oed. Bydd y daith yn mynd â ni o'i gartre yn Llundain yn ôl i Gymru, gan alw yn rhai o'r llefydd sydd agosa' at ei galon. Golwg ar beth sydd wedi siapio ei fywyd a'i waith hyd yma.
Gareth yr Orangutan sy'n cyflwyno Gareth!, ei raglen deledu hir-ddisgwyliedig ble mae Gareth, ynghyd a'i fand, HMS Morris yn cyfarfod ac yn sgwrsio gyda rhai o wynebau amlycaf Cymru. Yn y rhaglen hon bydd Gareth yn cyfweld y gantores ac awdur, Non Parry ynghyd a'r actor a digrifwr, Iwan John.
Rhaglen arbennig yn olrhain hanes popeth o datws Caryl Bryn i Opera Gareth Glyn. Mae eleni yn nodi trigain mlynedd ers cyhoeddi nofel ysgytwol Caradog Prichard 'Un Nos Ola Leuad' . 30 mlynedd yn ddiweddarach cynhyrchwyd ffilm o'r nofel ac eleni gwelwn gyfansoddiad o opera newydd sbon wedi ei hysbrydoli gan waith gwreiddiol Caradog Prichard. Mewn rhaglen arbennig edrychwn ar weithiau eraill sydd yn deillio yn uniongyrchol neu wedi eu sbarduno gan y nofel arbennig hon.
Mae Bois y Rhondda yn ôl. Cawn gipolwg unigryw ar fywydau grŵp o ffrindiau sydd yn dod i delerau â chymhlethdodau cymdeithas fodern, a'r brwydrau sy¿n wynebu eu cenhedlaeth nhw ar adeg ansicr. Sut bydd deinameg y ffrindiau yn newid wrth i'r bechgyn symud ymlaen i'r cam nesaf' Sut fydd eu perthynas â¿u teuluoedd yn datblygu' Bydd llawer o chwerthin a dwli wrth i¿r camerau ddilyn y criw egnïol yn llywio¿u ffordd drwy fywyd. Y tro hwn mae¿r bois yn teithio¿n bell o¿r Rhondda!
Pedwar trysor cenedlaethol sy'n cystadlu er mwyn ennill mil o bunnau i'w hoff elusen. Y darlledwr chwaraeon Jason Mohammad sy'n ein tywys ar hyd y Taf ar siwrne ger ei gartre, bydd y ffarmwr Gareth Wyn Jones yn arwain pawb ar daith ddramatic uwchben tir y teulu, drwy'r Carneddau .Taith drwy'r goedwig o Nanhyfer i Drefdaeth yw paradwys Non Parry o'r grwp pop, Eden. Yna, Alex Humphreys, y cyflwynydd tywydd fydd yn gobeithio am haul o Laneurgain i Sychdyn er mwyn arddangos Sir Fflint ar ei orau!
Mae Carwyn a Larry'n barod i fod yn dadau, ond maen nhw mewn picil¿ Neu jam, efallai' Maen nhw'n benderfynol o barhau â'u gyrfâu - boed hynny mewn Drag neu'r Gyfraith - a dechrau teulu. Tybed pam fod eu gweithiwr cymdeithasol ddim yn ffonio nôl'' Comedi newydd gan Alun Saunders sy'n ein hatgoffa i fod yn ffabiwlys wrth wynebu bob her.
Ymunwch â'r gantores a'r gyflwynwraig, Elin Llwyd, wrth iddi daflu golwg yn ôl ar rhai o'i hoff atgofion o gystadleuaeth Carol yr ¿yl ers 1999. Wrth i ni glywed carolau ysgolion ar draws Cymru a thu hwnt, cawn sgwrs ag ambell wyneb cyfarwydd a gystadlodd dros y blynyddoedd, sydd wedi mynd ati i ddilyn gyrfa yn y maes perfformio. Efallai bod ffasiwn a steil gwallt wedi newid ers diwedd y 90au, ond mae safon y canu wedi parhau i fod o safon uchel. Gwledd o garolau i'ch paratoi ar gyfer y Nadolig.
Dathlwch hud y Nadolig gydag Aled Jones a'i ffrindiau, gyda pherfformiadau gan Aled ei hun, Al Lewis, Lily Beau, a Carly Paoli. Mae No Good Boyo yn dod â'u tro arferol ar rai o ffefrynnau'r ¿yl, mae Glain Rhys wrth y piano, ac mae Siwan Henderson a Steffan Rhys Hughes yn dod â chyffyrddiad o hud y West End i bethau. Hefyd yn cynnwys Y Cledrau, Brigyn, a Band Pres Tongwynlais, gyda diweddglo i'w gofio gan Aled a chôr arbennig iawn.
Yn y bennod arbennig hon, mae Chris yn cydweithio gyda chymuned rhyngwladol Cymru i greu ryseitiau anarferol tanbaid. O'r Caribî i Ynysoedd y Philipinau, Syria a Japan - bydd cogyddion talentog o bedwar ban byd yn helpu Chris i weini'r bwyd i'r Cofis yn ei farchnad Nadoligaidd yng Nghaernarfon!
Mae hi'n ddiwrnod pen-blwydd Cyw ac mae Tref a Tryst wedi trefnu parti - parti cerddorfa. Gyda help Radli Miggins, maen nhw wedi gwahodd rhai o ffrindiau Cyw i'r parti - Huw, Elin, Ben Dant, Dona Direidi, Deian, Loli a'r anifileiaid. Dim ond un gwahoddiad parti sydd ar ôl i'w ddosbarthu - gwahoddiad Cyw! Ond mae 'na broblem, 'does neb yn gwybod lle mae Cyw' Tybed a ddown nhw o hyd iddi'
Ugain mlynedd ers digwyddiadau dychrynllyd 9/11, cyfle i glywed atgofion newyddiaduron, ymatebwyr cyntaf, a phobl o Efrog Newydd oedd yn agos i safle'r dinistr yng Nghanolfan Fasnach y Byd. Bydd y Rhyfel yn Erbyn Terfysgaeth yn cael sylw, a chlywn bersbectif o Brydain, America, Irac, a hyd yn oed gan rywun oedd tu mewn i garchar diogelwch uchel. O ystyried yr argyfwng presennol sy'n datblygu yn Affganistan erbyn hyn, edrychwn ar legasi 9/11 a'r rhyfel yn enw diogelwch America a'r Gorllewin.
Noson o focsio yn fyw o Ganolfan LC2, Abertawe. Bydd Gavin Gwynne o Abertawe yn amddiffyn Pencampwriaeth Pwysau Ysgafn y Gymanwlad yn erbyn Jack O'Keefe o Birmingham ym mhrif ornest y noson. Bydd y paffiwr pwysau plu o Bort Talbot, Joshua John, hefyd yn herio'r Sbaenwr, Farlin Condori, tra bydd sawl bocsiwr talentog o Gymru, gan gynnwys Morgan Jones a Kristian Touze, yn dychwelyd i'r sgwâr yn ogystal.
Ym mhennod ola'r gyfres wrth i Dilwyn a John ddirwyn tuag at ddiwedd eu taith, maent yn ymweld â Wales yn nhalaith Wisconsin. O faneri'r ddraig goch i enwau strydoedd, maent yn rhyfeddu at yr holl arwyddion adawodd y sefydlwyr o Gymru ym mhob man. Caiff Dilwyn ei urddo i frawdoliaeth enwog beicwyr Harley Davidson yn nhref Milwaukee gerllaw, tra bod John yn darganfod mai Cymry o Fôn, ac nid Almaenwyr ddechreuodd fragu yn y ddinas enwog a gaiff ei galw'n brifddinas fragu'r byd. Daw'n amser wedyn i
Bydd Heledd Cynwal yn cychwyn ei hymweliad i Gaerdydd drwy fynd ar drip cwch i Ynys Echni, yna'n dod i'r lan yn y Bae gan ddarganfod mwy am enwau Cymraeg y ddinas yn ogystal a chael cip olwg tu ol i'r llenni yn adeilad eiconig y Senedd. Bydd Iestyn Jones yn adrodd hanes rhyfeddol Capten Scott, a Sion Tomos Owen ar un o strydoedd enwocaf y ddinas, Stryd Womanby.
Breuddwyd Dylan yw croesi draw i Ynys Enlli, er y rhwystrau corfforol sydd ganddo. Mae Titw ei ofalwr yn benderfynol o¿i helpu i oresgyn y Dystonia sy¿n caethiwo ei gorff er mwyn cyrraedd ¿Pen Draw¿r Byd.¿ Yn kick boxio a rhedeg marathons cyn hyn mae Dylan yn barod at yr her a¿r boen. Ni wnaiff Titw ildio chwaith.
Tri deg mlynedd ar ôl terfysgoedd brawychus a threisgar ar strydoedd Trelái yng Nghaerdydd, mae Jason Mohammad yn dychwelyd i'r stâd lle gafodd ei fagu i ddarganfod pam ddigwyddodd y terfysg a sut mae'r cyfnod yn dal i effeithio ar bobl yr ardal heddiw. Dechreuodd y trwbwl yn ystod haf 1991, yn dilyn ffrae fach tu allan i siop leol. Yn sydyn, roedd torf o 500 a heddlu terfysg ar strydoedd Cymru am y tro cynta'. Mae Jason Mohammad yn ail-fyw'r profiad ac yn siarad gyda phobl oedd yna ar y pryd.
Cyfres 4 rhaglen a recordiwyd fel rhan o arlwy Eisteddfod AmGen 2021. Ymunwch â Huw Foulkes a'i westeion am sesiynau hwyliog yn hel atgofion a thrafod hoff ganeuon. Awn i fwy o ddyfnder cerddorol ac hanesyddol rhai o'r darnau, a chawn berfformiadau o hoff ddarnau'r cyfranwyr. Bydd pob rhaglen yn canolbwyntio ar genres gwahanol a'r tro hwn yn y rhaglen olaf, roc a phop sy'n cael sylw Huw Foulkes a'i westeion, Lewys Meredydd, Delwyn Sion, Tara Bethan, Casi Wyn a Lleden.
Yn y rhaglen gyffrous, fentrus hon, ry' ni'n mynd i anfon rhywun ar wyliau am ddim - ond mae 'na amod. Bydd dau berson yn ymuno â nhw o'u cysylltiadau ffôn neu gyfryngau cymdeithasol. Dychmygwch fynd ar wyliau gyda'ch mamgu, eich cymydog, neu hyd yn oed eich cyn-gariad. Mae cyfuniadau'r annisgwyl yn ddiddiwedd!
Blodau, llysiau a phethau da bywyd, yng nghwmni , Meinir Gwilym, Sioned Edwards ac Iwan Edwards. Yn y rhaglen olaf yn y gyfres ma Iwan cynaeafu'r cynnyrch o'r ty poeth tra bod Sioned yn casglu hadau i'w defnyddio yn yr ardd flodau'r flwyddyn nesa a Meinir yn datgelu enillwyr cystadleuaeth fawr 'Gardd Orau' Garddio a Mwy 2021.
I ddathlu ei ben-blwydd yn 60 oed mae Gareth 'Gaz Top' Jones am nofio 60km o'r de i ogledd Cymru ar draws llynnoedd, afonydd, a chronfeydd d¿r. Dros dair wythnos bydd Gareth yn nofio mwy nag y mae erioed wedi ei wneud o'r blaen. Yn ystod wsos olaf y sialens bydd y nofiwr gwyllt Caris Bowen yn cefnogi Gareth wrth iddo deithio ar draws y gogledd cyn gorffen ei sialens drwy nofio lawr yr afon Conwy. Ond ar ôl tair wythnos nofio fydd ganddo ddigon o egni i lwyddo'
Cyfres gydag Angharad Mair a Siân Thomas yn dathlu 30 mlynedd o raglen Heno. Eisteddwch nol i chwerthin a rhyfeddu ar rai o straeon mawr y 90au, o bremiere Jurassic Park yng Nghaerfyrddin a chwmniau o Siapan yn dod i Gymru, i argyfwng Aids y cyfnod a sgwrs arbennig gyda Jonathan Davies; bydd y ddwy hefyd yn sgwrsio gyda gwesteion o'r newydd.
