Aled Samuel a Mandy Watkins sy¿n mynd â ni ar hyd a lled Cymru i ymweld â gwahanol fathau o gartrefi chwaethus a diddorol. Yn y rhaglen hon byddwn yn ymweld â thŷ teras wedi ei adnewyddu yn hyfryd yng Nghaernarfon , Fflat moethus yn y brifddinas a hen dŷ hir llawn cymeriad ym Mlaenau Ffestiniog.
Cyfres 4 rhaglen a recordiwyd fel rhan o arlwy Eisteddfod AmGen 2021. Ymunwch â Huw Foulkes a'i westeion am sesiynau hwyliog yn hel atgofion a thrafod hoff ganeuon. Awn i fwy o ddyfnder cerddorol ac hanesyddol rhai o'r darnau, a chawn berfformiadau o hoff ddarnau'r cyfranwyr. Bydd pob rhaglen yn canolbwyntio ar genres gwahanol a'r tro hwn yn y rhaglen olaf, roc a phop sy'n cael sylw Huw Foulkes a'i westeion, Lewys Meredydd, Delwyn Sion, Tara Bethan, Casi Wyn a Lleden.
Tri deg mlynedd ar ôl terfysgoedd brawychus a threisgar ar strydoedd Trelái yng Nghaerdydd, mae Jason Mohammad yn dychwelyd i'r stâd lle gafodd ei fagu i ddarganfod pam ddigwyddodd y terfysg a sut mae'r cyfnod yn dal i effeithio ar bobl yr ardal heddiw. Dechreuodd y trwbwl yn ystod haf 1991, yn dilyn ffrae fach tu allan i siop leol. Yn sydyn, roedd torf o 500 a heddlu terfysg ar strydoedd Cymru am y tro cynta'. Mae Jason Mohammad yn ail-fyw'r profiad ac yn siarad gyda phobl oedd yna ar y pryd.
Yn y gyfres hon, bydd Elin Fflur yn ymweld â gerddi'r 'gwesteion' liw nos ac yn sgwrsio am bopeth dan haul (... neu'r lloer!). Yn ei ffordd agos-atoch bydd Elin hefyd yn dod i nabod y person 'go iawn', y person teuluol a pherson y cartref. Y tro hwn, yr awdur Caryl Lewis fydd yn serennu.
