Er nad yw'r byd wedi medru teithio i Langollen eleni, mae perfformwyr o wledydd yn cynnwys De Affrica a'r Philipinau, wedi gallu cyfrannu at gyngerdd arbennig o Bafiliwn yr Eisteddfod Rhyngwladol. Cyngerdd Tangnefedd. Mae'r perfformwyr unawdol hefyd yn cynnwys Rhian Lois a Catrin Finch.
Dilynwch Ciwb wrth iddynt geisio recordio albwm gyrfa mewn dim ond pump diwrnod, a hynny er nad ydi'r pedwar erioed wedi bod yn yr un ystafell a'u gilydd o'r blaen. Maent wedi dewis deg trac o gatalog Sain i'w hail recordio gyda chantor gwadd gwahanol yn ymuno ar bob cân.
Rhaglen gyffrous sy'n rhan o Wythnos Traethau S4C! Stuart a Siân o Groeslon ger Caernarfon yw'r pâr lwcus fydd yn priodi ar draeth yn fyw ar S4C! Ar ôl ennill pleidlais y cyhoedd mae holl fanylion y diwrnod mawr allan o'u dwylo yn llwyr ac mae'r cwpwl yn gorfod ymddiried yn eu teulu a'u ffrindiau - heb anghofio am Emma a Trystan - i drefnu diwrnod anhygoel ar eu rhan am £5K. Yn y bennod gynta, fe fyddwn yng nghanol y paratoadau ac fe gawn edrych ymlaen yn gyffrous at y digwyddiad mawr!
Elin Fflur a Trystan Ellis Morris fydd yn cyflwyno prif gystadleuaeth cyfansoddi y flwyddyn. Mewn darllediad byw o Ganolfan Mileniwm Cymru yng Nghaerdydd, bydd 8 cân newydd yn brwydro am dlws enillydd Cân i Gymru ynghyd â gwobr ariannol o £5000 i'r enillydd, £2000 i'r ail a £1000 i'r trydydd. Pleidlais ffôn cyhoeddus yn unig fydd yn dewis yr enillydd, felly cofiwch i wneud eich dewis. Y barnu, y cystadlu, yr anthemau di-ri - pwy fydd y nesa i hawlio eu lle yn hanes Cân i Gymru'
