S4C
Dewisiadau

Cynnwys

Y Wasg

S4C i ddarlledu gêm gwpan Wrecsam

11 Ionawr 2012

Bydd S4C yn darlledu gêm fawr Wrecsam yn fyw ac yn ecsgliwsif ar deledu daearol wrth iddyn nhw herio Brighton yn nhrydedd rownd Cwpan FA.

Bydd y gêm yn cael ei chwarae ar y Cae Ras nos Fercher 18 Ionawr, ac yno i sylwebu ar y cyfan bydd tîm profiadol Sgorio.

Bydd y rhaglen yn dechrau am 19:15, gyda’r gic gyntaf am 19:30. Bydd isdeitlau Saesneg ar gael ac mi fydd hefyd yn cael ei darlledu’n fyw ar wefan S4C: s4c.co.uk.

Mae S4C ar gael ar bob llwyfan yng Nghymru ac ar Sky 134 a Freesat 120 yn Lloegr, Yr Alban a Gogledd Iwerddon. Mae gwasanaeth ar-lein S4C ar gael drwy Brydain.

Mae’r gêm yn cael ei chwarae eto ar ôl i Wrecsam lwyddo i sicrhau sgôr gyfartal yn erbyn y tîm o’r Bencampwriaeth yn Stadiwm Amex ar ddydd Sadwrn 7 Ionawr. Petai’r Dreigiau’n llwyddo i’w curo nhw yn y gêm nos Fercher, byddan nhw’n wynebu’r cewri o’r Uwch Gynghrair Newcastle mewn gêm gartref ar y Cae Ras yn y rownd nesaf.

Mi fydd yr atgofion o drechu Arsenal yn y drydedd rownd ugain mlynedd yn ôl yn siŵr o danio’r dychymyg ac ysbrydoli’r Dreigiau presennol i geisio efelychu campau carfan 1991-92.

Diwedd

Methu dod o hyd i'r hyn oeddech chi'n chwilio amdano?