Newyddion Cynhyrchu

Hoffai S4C gyhoeddi mai partneriaeth rhwng cwmnioedd Darlun a Slam oedd yn llwyddiannus yn y tendr Digidol diweddar, a chwmni Whisper Cymru oedd yn llwyddiannus yn y tendr cynnwys Chwe Gwlad.

Diolch i bawb a wnaeth ymgeisio.Rydym wirioneddol yn gwerthfawrogi’r ymdrech a’r gwaith aeth i lunio’r ceisiadau ar gyfer y ddau dendr.

Gwahoddir ceisiadau gan Gwmnïau i gynhyrchu arlwy o gynnwys Ffeithiol, gyda’r bwriad o ddarlledu o Haf 2026 ymlaen.

Mae’r arlwy ffeithiol yn ganolog i amserlen y sianel ac mae’r tendr yma yn rhoi cyfle i gwmni unigol neu i gwmnïau dod at eu gilydd i gynnig pecyn o gynnwys uchelgeisiol a chreadigol

Ceisiadau i’w derbyn erbyn: 12:00 canol dydd Llun 26 Ionawr 2026

Tendr Pecyn Rhaglenni Ffeithiol (PDF)

Yn dilyn derbyn cwestiynau ar gyfer Tendr Pecyn Ffeithiol, gweler y ddolen isod sy’n cynnwys rhestr o gwestiynau a’u hatebion: 

Cwestiynau ac Atebion - Tendr Pecyn Rhaglenni Ffeithiol (PDF)

3 Hydref 2025

Mae S4C wedi bod yn gartref i gomedi Cymreig ers degawdau ac rydym yn chwilio am y don nesaf o leisiau comedi i ddod â chwerthin i gartrefi ar draws y wlad.

Hoffem dderbyn syniadau gwreiddiol ar gyfer peilot comedi 10 munud o hyd. Dyma gyfle i ni arbrofi gyda fformatau newydd a phrofi ymateb cynulleidfaoedd mewn ffordd gyflym a chreadigol. Gall eich syniad fod yn fonolog, ensemble, sitcom, ffug-ddogfen (mocumentarty) comedi tywyll dirdro (twisted) – neu ffurf wreiddiol.

Mae S4C a TAC yn falch o’ch gwahodd i Ddychmygu’r Dyfodol – cynhadledd flynyddol newydd ar y cyd i osod cyfeiriad ar gyfer cynhyrchu a chreu cynnwys Cymraeg. 

9 Hydref 2025

Mae S4C a Chyngor Celfyddydau Cymru yn gwahodd ceisiadau gan gwmnïau cynhyrchu sydd â diddordeb mewn creu ffilm ddogfen ffurf hir am y celfyddydau yng Nghymru.

16 Medi 2025

Gwahoddir ceisiadau gan Gwmnïau i gynhyrchu pecyn o gynnwys digidol. Rydym yn galw am becyn o syniadau dewr a digidol eu natur sy’n adlewyrchu calon, hiwmor ac enaid Cymru, wedi’u teilwra’n benodol ar gyfer cynulleidfa 25-44. Gyda’r bwriad o gyhoeddi ar ddechrau 2026.

Linc i’r tendr yma: Tendr Pecyn Cynnwys Digidol

Rhestr Cwestiynau ac Atebion

Y dyddiad cau ar gyfer derbyn ceisiadau:  12:00 Canol dydd, Dydd Mercher 22 Hydref 2025

15 Medi 2025

Nodyn i'ch atgoffa o bwysigrwydd y dyddiadau cymeradwyo a chyfleu ar gyfer cynnwys i S4C sydd wedi cytuno a nodi yn eich trwydded/cytundeb.
Mae'r dyddiadau hyn yn cael eu defnyddio gan system ddarlledu S4C, ac yn cael eu bwydo i wahanol adrannau er mwyn trefnu amserlenni gwaith mewnol, paratoi deunydd hyrwyddo a marchnata, ac ar gyfer cwmnïoedd allanol sy’n darparu gwasanaethau mynediad ar gyfer ein cynnwys. Mae’n bwysig felly os oes unrhyw newidiadau i ddyddiadau cyfleu, eich bod yn ein hysbysu cyn gynted â bod modd er mwyn addasu’r llifoedd gwaith a sicrhau bod y staff perthnasol ar gael i ymateb a chyflawni’r gwaith mewn pryd.

Grantiau o £10,000 ar gael:

https://www.nesta.org.uk/project-updates/greener-homes-call-for-ideas/

Syniadau posib yn cynnwys:

• Cynnwys storïol ar gyfer platfform neu ddylanwadwr penodol
• Sioe adloniant ffeithiol
• Eitem newydd ar gyfer rhaglen defnyddwyr sydd eisoes yn bodoli
• Syniad dogfen ffurf fer sy’n arloesi ar blatfformau digidol
• Cynnwys trochiadol neu sioe DIY

Hoffwn gymryd y cyfle i bwysleisio ein hymrwymiad i greu a chynnal amgylchedd gwaith diogel, parchus a chynhwysol i bawb sydd yn gweithio i - ac ar ran S4C.
 
Mae’r ddeddfwriaeth newydd sydd wedi dod i rym yn y Deyrnas Unedig yn ddiweddar yn cryfhau’r amddiffyniadau yn erbyn aflonyddu rhywiol yn y gweithle. Mae’r ddeddfwriaeth hon yn cynyddu dyletswydd cyflogwyr i gymryd camau rhagweithiol i atal aflonyddu rhywiol - rhywbeth yr ydym ni’n gwbl ymrwymedig iddo ac yn ei gymryd o ddifrif.

Hoffwn hefyd eich atgoffa o’ch dyletswydd wrth weithio i S4C, neu wrth ddarparu gwasanaethau ar gyfer neu ar ran S4C.
  
Hoffwn felly rannu ein Datganiad Cyflenwyr: Aflonyddu Rhywiol, sydd hefyd ar gael ar ein gwefan. Mae’r polisi’n nodi’n glir beth yw ymddygiad annerbyniol a sut rydym yn cefnogi unrhyw un sy’n profi neu’n tystio i unrhyw fath o aflonyddu, gan gynnwys aflonyddu rhywiol.

Mae S4C yn chwilio am syniadau newydd am gynnwys i gyhoeddi ar Hansh. Rydym eisiau cynnwys fydd yn ysbrydoli, rhyfeddu, codi gwen. Cyfresi mentrus gyfoes ffurf ganolig i gyhoeddi ar YouTube Hansh.

Rydym yn chwilio am gyfresi:

• Adloniant
• Teithio
• Arbrawf Cymdeithasol
• Cariad (Dating)
• Materion Cyfoes
• Ffilmiau Byr Sengl – Dogfen/Sgript

Hyd: 10-12 munud y bennod. 4-8 pennod.

Rydym yn awyddus i gomisiynu fformatau cryf a fydd yn medru dychwelyd i gyfoethoci arlyw YouTube Hansh. Mi fydd y cynnwys o bosib yn dilyn patrymau cyhoeddi gwahanol i’r arfer er mwyn creu patrymau cyhoeddi sy’n gweddi’r platfform. Rydym yn awyddus i gael syniadau am bobl ifanc eithriadol o Gymru.