Mae S4C yn cydweithio gyda Giddy Goat Productions a Venue Cymru – trefnwyr Cynhadledd Crefft Comedi yn Llandudno ar 9 Ebrill 2016.

Yn sgil hynny mae 8 tocyn ar gael am ddim i gynhyrchwyr sy'n teimlo y bydda nhw'n elwa o'r diwrnod.

Nod y gynhadledd yw trafod sgwennu a chynhyrchu comedi. Mae'r diwrnod yn rhedeg o 09:30 hyd 17:00. Mae'r tocyn yn rhoi mynediad i'r diwrnod (nid yw'r tocyn yn cynnwys mynediad i'r swper gyda'r nos).

Ar hyn o bryd mae'r gynhadledd yn cynnwys sesiynau ar:

• Creu cymeriadau ar gyfer comedi sefyllfa
• Adeiladu gyrfa o "stand-up"
• Sut i sgwennu a gwerthu jôcs amserol am y newyddion
• Podlediadau a'r Dyfodol digidol
• Sgwennu sgets o'r cychwyn cyntaf
• Llyfrau: Gorffennol, Presennol a Dyfodol cyhoeddi comedi
• Comedi yng Nghymru
• Dangosiad arbennig o Veep
• Comedi ar Radio 4 (comisiynydd comedi mwyaf Prydain)

Os am docyn cysylltwch â morfudd.wynne@s4c.cymru Y cyntaf i'r felin caiff falu!