Mae S4C yn chwilio am syniadau newydd am gynnwys i gyhoeddi ar Hansh. Rydym eisiau cynnwys fydd yn ysbrydoli, rhyfeddu, codi gwen. Cyfresi mentrus gyfoes ffurf ganolig i gyhoeddi ar YouTube Hansh.

Rydym yn chwilio am gyfresi:

• Adloniant
• Teithio
• Arbrawf Cymdeithasol
• Cariad (Dating)
• Materion Cyfoes
• Ffilmiau Byr Sengl – Dogfen/Sgript

Hyd: 10-12 munud y bennod. 4-8 pennod.

Rydym yn awyddus i gomisiynu fformatau cryf a fydd yn medru dychwelyd i gyfoethoci arlyw YouTube Hansh. Mi fydd y cynnwys o bosib yn dilyn patrymau cyhoeddi gwahanol i’r arfer er mwyn creu patrymau cyhoeddi sy’n gweddi’r platfform. Rydym yn awyddus i gael syniadau am bobl ifanc eithriadol o Gymru.

Bydd angen i bob pitch fod ar ffurf 'deck slide' gan gynnwys:

• Teitl cryf a chlir – Dim teitl, dim comisiwn
• Strapline un llinell
• Cynllun Castio, gan gofio prif nod Hansh o ddargafnod gwynebau a lleisiau newydd.
• Esboniad clir o pam Hansh, pam nawr, pwy mae'n apelio atyny a pham ei fod yn berthnasol i'r gynulleidfa yna?
• A rhaid i chi ddangos yn glir eu bod yn berthnasol ac yn adlewyrchu dyheadau a diddordebau cyfoes gwylwyr 18-24
• Syniad pendant o naws ac arddull y gyfres - pwy yw eich dylanwadau? nRhowch enghreifftiau a delweddau / fideo / moodboard
• Pecyn o gynnwys cyfryngau cymdeithasol i gyd fynd gyda’r gyfres
• Ychydig o wybodaeth am y tim creadigol allweddol a'ch profiad dogfen / dolenni i waith blaenorol
• Wrth ymgeisio dylid ystyried oblygiadau cytundebol ar y cynnwys fydd yn yn byw yn ddigyfyniad ar YouTube.

Cyllideb

Yn ddibynnol ar y cynnwys, ond rydym yn edrych ar gomisiynu'r cynnwys ar dariff hyd at £1,000 y funud.

Sut i gyflwyno syniad?

Os oes gennych ddiddordeb, anfonwch eich syniad at syniad@s4c.cymru erbyn 12:00 Dydd Llun, 15fed o Fedi, 2025. Gallwch gyflwyno mwy nag un syniad, ond bydd angen i chi eu hafnon ar wahân. Byddwn yn cadarnhau derbyn y syniad drwy ebost.

Mae gwefan gynhyrchu S4C s4c.cymru/cy/cynhyrchu yn cynnig gwybodaeth ddefnyddiol gan gynnwys gwybodaeth dechnegol, gytundebol a chyfleu os oes cwestiwn am y prosesau cynhyrchu gennych.

Mae'n fwriad gan Guto Rhun, Comisiynydd Cynulleidfaoedd Ifanc ddewis rhestr fer ganol Hydref- cedwir yr hawl i addasu'r amserlen a hysbysir ein bwriad drwy e-bost. Os byddwch yn llwyddiannus bydd angen i'r syniad gael ei roi ar system gomisiynu S4C – Cwmwl. Ni ddylid gwneud hyn cyn cael y gwahoddiad.

Edrychwn ymlaen yn fawr at dderbyn eich cynigion.

Cedwir yr hawl i beidio â chomisiynu unrhyw un o'r cynigion a ddaw i law.