• llond llaw o fadarch porcini sych
• 250ml o ddŵr
• 2 lond llaw o fadarch cymysg
• olew
• 2 lwy fwrdd o gaws hufennog
• llond llaw o sbinaets ifanc
• halen a phupur
• 3 wy, wedi'u curo
• persli ffres

1. Mwydwch y madarch sych mewn llond mẁg o ddŵr a gadael iddyn nhw drwytho am 10 munud.
2. Unwaith iddyn nhw feddalu, tynnwch y madarch allan a'u torri nhw'n fân, gan gadw dŵr y madarch.
3. Torrwch y madarch ffres. Cynheswch ychydig o olew mewn ffreipan fach a ffrio'r madarch ffres ar wres canolig.
4. Unwaith iddyn nhw goginio, ychwanegwch y madarch wedi'u hydradu a'u torri'n fân ynghyd â dŵr y madarch a'u coginio ar wres uchel nes bod yr hylif wedi lleihau i'r hanner.
5. Yna ychwanegwch y caws hufennog a'r sbinaets wedi'i dorri a'i sesno gyda halen a phupur fel y dymunwch. Tynnwch e oddi ar y gwres a'i roi o'r neilltu i oeri ychydig.
6. Torrwch yr wyau i mewn i fowlen a'u curo a sesno gyda halen a phupur. Mewn ffreipan fach ychwanegwch ychydig o olew, gan wneud yn siŵr i chi iro'r ffreipan yn iawn, a'i rhoi ar wres isel.
7. Ychwanegwch yr wyau a'u twymo'n araf, a rhowch y caead ar ben y ffreipan i greu wrap o'r wy. Ychwanegwch ychydig o'r llenwad a phlygu'r wy drosodd.
8. Yn ofalus, defnyddiwch sbatwla i symud yr wy i blât ar gyfer ei weini. Addurnwch gyda phersli ffres.

Rysaít gan Colleen Ramsey (Colleen Ramsey: Bywyd a Bwyd).

Llyfr Colleen: Bywyd a Bwyd / Enjoying Life through Food (Y Lolfa)

Instagram: @colleen_ramsey

Twitter: @_C_Ramsey