• 2 coes hwyad
• 100g tatws stwnsh
• 2 sibols
• 15g coriander
• 15g 5 sbeis tsieniaidd
• 25g blawd plaen
• 2 ŵy hwyad
• 25g balsamic
• 25g saws hoi sin

1. Gosodwch yr hwyad mewn hambwrdd, ychwanegwch halen a phupur yna pobwch am 1 awr.
2. Ar ôl pobi, tynnwch yr hwyad i ffwrdd yr asgwrn a gosodwch y cig a'r sudd mewn i bowlen fawr.
3. Mewn i'r bowlen; adiwch y tatws stwnsh, sibols, coriander a 5 sbeis tsieniaidd. Cymysgwch yn drylwyr.
4. Ffurfiwch y cymysgedd mewn i patties bach, yna rhowch yn yr oergell nes iddyn nhw galedu.
5. Cynheswch ffrimpan i dymheredd cymedrol, ychwanegwch olew.
6. Dystiwch yr hwyad gyda mymryn o flawd, yna ffriwch am 2-3 munud ar y ddau ochr nes iddyn nhw droi'n euraidd.
7. Yn dilyn hynny, rhowch ar blât yna ffriwch yr wyau.
8. Unwaith iddyn nhw ffrio gosodwch yr wyau ar ben y cacennau hash.
9. Mewn bowlen glan, cyfunwch y balsamic a hoi sin. Cymysgwch yn dda yna gwaenwch gyda'r hwyad.

Rysáit gan Dan ap Geraint, wedi ymddangos yn wreiddiol fel rhan o raglen Prynhawn Da.