05 Tachwedd 2007

Y rhedwr rhyngwladol Michael Johnson yw siaradwr gwadd Darlith a Chinio Chwaraeon S4C 2007 a gynhelir yn Stadiwm y Mileniwm, Caerdydd, ar 8 Tachwedd.

Enillodd Michael, sy’n enwog fel dyn yr “esgidiau euraidd”, bum medal aur Olympaidd ac mae’n parhau i ddal y record am fod y cyflymaf dros 200 a 400 medr.

Mae hefyd yn adnabyddus fel cyflwynydd teledu a cholofnydd papur newydd.

Yn y ddarlith, bydd Michael yn trafod beth sy’n gwneud cystadleuydd penigamp a beth fydd yn sicrhau llwyddiant yng Ngemau Olympaidd Beijing yn 2008.

Mae Cinio a Darlith Chwaraeon S4C yn tyfu’n ddigwyddiad blynyddol poblogaidd, sy’n adlewyrchu enw da’r Sianel ym myd darlledu chwaraeon o bedwar ban byd.

Mae S4C yn awyddus i barhau i ehangu ei gwasanaeth chwaraeon, fel y gwelwyd yn ddiweddar gyda’i darllediadau o Gwpan Rygbi’r Byd a’r cytundeb newydd gyda Chymdeithas Pêl-droed Cymru.

Diwedd.