Mwynhewch ddiwrnod hamddenol ar y soffa ar ddydd Sadwrn, 23 Mehefin gyda gwledd o raglenni Cyw, hen a newydd – o 6.00 y bore tan 6.00 yr hwyr i ddathlu pen-blwydd Cyw yn 10 oed!

Mae Tref a Tryst yn ôl am un rhaglen arbennig am 8.00 o'r gloch! Bydd cyfle i chi gystadlu yn Bowowownsio ac ennill gwobrau gwych, yn cynnwys gwyliau i'r teulu cyfan yn un o wersylloedd yr Urdd. Ymhlith y ffrindiau fydd yn galw heibio mae Ben Dant, Tara Tan Toc a Huw.

Popiwch y popcorn! Bydd dwy ffilm newydd sbon Patrol Pawennau i'w mwynhau, ynghyd â ffilm arbennig Sam Tân - 'Tan Mawr Pontypandy'! Ac mae cyfle eto i fwynhau'r hen ffefrynnau; Y Raplyfr Coll, Ble Mae Cyw? a Dona Direidi - Be Wnei Di?

Cawn ddarganfod hefyd beth yw 10 uchaf hoff raglenni Cyw erioed, yn ôl pleidlais y gwylwyr.

Cadwch lygad ar gyfryngau cymdeithasol Cyw am ragor o newyddion am y dathliadau pen-blwydd.