Rhoddir lle canolog i ddweud jôcs yn ystod y rhaglen hon a dangosir hefyd bod gwahanol fathau o lyfrau ar gael. Cyflwynir y brif lythyren a'r llythyren fach law yn llaw yma. Cyfeirir at y llythyren fach fel 'ffon ben i waered' ac wrth ei ffurfio mae ganddi 'gefn syth a thro yn ei gwaelod'. Tynnir sylw hefyd , er bod siâp y ddwy lythyren ychydig yn wahanol, mai'r un sŵn maent yn ei wneud. I atgyfnerthu'r ffurfiant gwelwn yn weledol bod J fawr yn sefyll ar wyneb y dŵr a j fach a'i thraed yn padlo yn y dŵr.

Llafar

cymryd rhan wrth chwarae â synau a geiriau [Meithrin]

siarad yn glywadwy [ Derbyn]

neilltuo a nodi synau cychwynol mewn gair llafar [ Derbyn]

Darllen

dehongli ystyr trwy luniau mewn llyfrau, gan ychwanegu manylion wrth esbonio [Meithrin]

cysylltu cardiau lluniau neu wrthrychau â synau cyntaf ar lafar [ Meithrin]

adnabod nifer cynyddol o synau llafar a'u cysylltu â llythrennau [ Derbyn]

Ysgrifennu

adnabod synau llythrennau drwy ymchwilio a chyffwrdd siapiau'r llythrennau o fewn gweithgareddau chwarae aml-synhwyraidd [ Meithrin]

defnyddio'r gytsain gychwynol gywir drwy ddechrau defnyddio gwybodaeth ffonig [ Derbyn]